Pequeno Audiovisual
Pequeno Audiovisual é unha iniciativa creada pola Asociación Ribeira Crea en colaboración con Xastriñas Solucións Audiovisuais.
Estes obradoiros de Nadal naceron como un conxunto de actividades e cursos audiovisuais ofertados a colexios e ANPAS da zona do Barbanza.
Pareceunos un xeito moi lúdico e didáctico para traballar contidos e conceptos audiovisuais básicos con nenas e nenos de educación primaria a bacharelato.
Fixemos unha listaxe de cursos que poderiamos ofertar:
- INICIACIÓN Á LINGUAXE AUDIOVISUAL
- A ARTE DO FOLEY
- A ILUSIÓN DA ANIMACIÓN
- ACCIÓN: CREAMOS UNHA CURTA
- FICCIÓN RADIOFÓNICA
- INFORMATIVO MIÚDO
A finalidade destes cursos era xerar un interese no público máis novo sobre o mundo audiovisual e demostrar que se poden optimizar recursos pra crear novas pezas audiovisuais, sinxelas e cheas de creatividade.
Agora mesmo colaboramos co concello de Ribeira, que nos cede as instalacións da Casa da Xuventude para realizar alí o obradoiro Pequeno Audiovisual de Nadal e temos oportunidade de planear novas edicións de Entroido, Semana Santa e vacacións de verán.
